الشاعر سيد احمد عبد الحميد

أنساها كيف هي معايا في الصحا والمنام
هي أسباب قوافيا المدوزنة والكلام
أنساها كيف جات ماري صبح الليلي مابين التشهد والسلام..
أنساها كيف زي نسمة ماري علي الورود
رغم إنو ما وفت العهود
وانساها كيف وكيف يستقيم الظل إذا العود ما إستقام..
طاريها كل ما جن ليل
وأنا داجي أردد يا حليل
كل ماوتر طنبورنا رجع لي القبيل
بعرف جميل ألحاني في المقل السقام..
عافيلا كل شقايا عاذرا ماملام
والدس بيناتنا السموم أو شال بذور الفتنة حام
خليتو للخلق النجوم والله عزيز ذو إنتقام..

------------------------------------------
عيد النصاري
عيد النصـــــــــــــاري وأد العــــــــــــذارى
ومـــــــــــــــــوت الضــــــــــــمــــير
ربط الميـــــــــــاسم قبل المــــــواسم
قبل الاذاهـــــــــــر وخدع المظاهر
وقتــــــــل الامــــــــــــــير
جــــــــــــــرح اليتامة...قبل التئـامة
زهــــــــــر الروابي ...وسحر المرابي
وخبث الاخيــــــــر



يانجــــــــــــــلاء وعـدك سبتيهو بعدك
قايلاهو ساسك حفــــــروهو ناسك
فـــــــاقت اجير
يوم يســــأأأأأألوك سبب الجفــــــــــا
قـــــــــــول واعتـــــــــــرف
يــوم يســـأأأأأأأأأأأأأأأألوك عدم الوفـــــــــــاء
قـــــــــــــــــــــــول واعتــــــــــــرف
ما انت اسبــــــــــاب الحصــــــــــل
كل الاجــــــــــــــابات تعـــــــــــرفة
من غير خفـــــي واصل السعير


يالفينـــــــــيّ شمتة العــــــــــــزول
قول واعـــــــــــــتـرف
يوم يسـأأأأأأأأأأألوك بالله قــــــــول واعترف


الجـــــــاي من شــــــــــرق الرســــول
قـول واعتـرف اغـرانى بالمال والحـــــرير
كيف ما يليــــــــــن قلبى الحنيـــــــــــن
كيــــــــــــف مايليـــــــــــن شـاهــد بعيـــــــن
موت الجنيــــــــــن فى مهدو قبال مايسيـــــــــر

-------------------------------------------------------
أيامنا الزمـان ياحليلـن
شاربات من هداوة الريف
وارثات الجمال من نيلـن
عامرات فى ليالى الصيف

يا دنيا الرسول أحميهـن
يا حظ ليهن ابقـا حليـف
زيل كل المخاطر شيلـن
افرش فل زهور وقطيـف

ايام من صباى يا حليلـن
قاصر مهما اقول توصيف
يا تاريخ اعيـد تسجيلـن
ارجوك مر مرور كالطيف

يا طير الغصون غنيلـن
جدد لـو معـدى عفيـف
بالله يـا نسايـم شيـلـن
يا سرب الحمام فى الليف

عاد لمتين نعود نمشيلـن
نسيب بلد الخداع والزيف
اقول لى ناس فلان احكيلن
نتونـس نتـم الكـيـف

اوريهن عزابى اشكيلـن
ساهرتا الليالـى وكيـف
حنست العيون لا يسيلـن
انهمرن بحور غير قيـف

أيامنا الزمـان ياحليلـن
شاربات من هداوة الريف
وارثات الجمال من نيلـن
عامرات فى ليالى الصيف

ـــــــــــــــــــــــــــــــــــــ