من قصائد الشاعر وراق المجذوب

خنتيها..... ليه ؟
ــــــــــــــــــــــــــــــــــــــــــــــــــ ــ

خنتيها ليه ؟
كلمة شرف بيناتنا
كانت امانة ليه
.........
خنتيها ليه
...
ماكنت مفتكر المعزة
الغالية ديك
في يوم تهون !
ما كنت مفتكر العيون
الحلوة ديك
تعرف تخون !
ما كنت قايل الرقة ديك
في يوم
تكون مصدر الم
مصدر عذاب
مصدر اسى ومصدر شجون؟ !
...
خنتيها ليه؟؟
يوم قُلتي ..ليك انا
وانت لي
كت قايل الافراح
بدت
يوم ليكي بي احضاني
جيت
ورويتا شتلة ريد
نمت
خليته اغلى وديعة
ليك
القاها يوم اجي
فرعت
خنتيها ليه؟!
...
يا العمرو قلبك
لا رواها
ولا حيت
...
قلتيها ليه
...
قلتيها ليه ؟
ما دام قليبك
عمرو
ماحضنه وخفق
قلتيها ليه؟
مادام شعورك بيها
ماحس ونطق
قلتيها ليه؟
مادام فؤادك
عمرو
ما حب وعشق
قلتيها ليه ؟
مادم لسلنك
عمرو
في قول ماصدق
خنتيها ليه ؟
....
انا يوم بكيت ..!
ما كان بكايا علي الخدود
..
انا يوم بكيت..!
ما كان بكايا علي الصدود
...
انا يوم بكيت ..!
ما كان بكايا علي الجحود
كان كلو
شان في يوم
تحس
تعرف تعز شرف الوعود
...
خنتيها ليه
...
ماب اعذرك..
قسماً وحات البينا كان
ماب اعذرك
كيف بعذر الامل الكبير
الخنتي فوق دربك
هِلِك
كيف بعذر الجرح
النزَف
في قلبي
غوَّرُو خنجرِِِك
كان كل خفقة
تقول بَحِبْ
وفي كل خفقة بِتَذْكُرِك
....
خنتيها ليه ...؟؟؟!
؟...؟
؟...؟